Siste nytt

Korpsleiar Bjørn Gunnar Lunden og Morten Vikeså frå Nærbø Røde Kors Hjelpekors hadde teke turen til Klepp i det fine sommarvêret for å ta imot gåvesjekk på 500 000 blanke kroner frå Sparebankstiftinga Jæren – Time og Hå. Pengane skal gå til innkjøp av ny mannskapsbil.

Torsdag 15. juni 2023 var det duka for felles utdeling av midlar frå Sparebankstiftinga Jæren – Time og Hå og Sparebankstiftelsen Jæren – Klepp på Klepp Skytterhus. Klepp Skytterlag var vertskap, og dei fekk samstundes tildelt ei gåve som trefte midt i blinken.

Pressemelding: Sparebankstiftinga Jæren – Time og Hå finansierer en ny stiftelse som skal bidra til nyskaping og vekst i kommunene Time, Hå, Klepp og Gjesdal. I stiftelsesåret er det foreløpig satt av 5 millioner kroner som skal komme oppstarts- og vekstselskaper til gode.

Bryne Turnlag blei stifta i 1907 og er det eldste idrettslaget i Time. For tida tel Bryne Turnlag 660 medlemmar i alderen 1- 80 år, og i august 2021 sto den nye turnhallen i Vardheihallen ferdig. Sjølv om drifta ikkje har vore heilt som normalt på grunn av pandemien, set alle i turnlaget stor pris på dei nye, flotte fasilitetane.

Varhaug Idrettslag blei stifta i 1932, og er ein breiddeklubb som for tida tel 1769 medlemmar. Det er ikkje verst i ei bygd med kring 3200 innbyggarar!

Tysdag 12. februar var det duka for høgtideleg overrekking av 16 hjartestartarar på Røde Kors-huset på Bryne. Håpet er sjølvsagt at mottakarane aldri får bruk for dei, men om dei skulle gjere det kan hjartestartaren utgjere heile skilnaden mellom liv og død.

Torsdag 13. juni var det duka for den årlege utdelinga for gåver frå Sparebankstiftinga i Time og Hå. I år slo dei seg saman med Sparebankstiftelsen i Klepp og invitert til treff på Friluftshuset på Orre.

«Koronastønad»: Ekstraordinære tiltak for ekstraordinære tider. Vanlegvis deler ikkje Sparebankstiftinga Jæren – Time og Hå ut driftsstøtte til lag og foreiningar, men no gjer dei eit unntak saman med Sparebankstiftelsen Klepp, og fordeler tre millionar til dette føremålet i kvar av kommunane Klepp, Time og Hå. Samla får dei tre Jærkommunane 9 millionar kroner i stønad.